De volta
na cociña, unha vez pasadas as festas e intentando volver a rutina diaria e especialmente
á rutina alimenticia. Que outra cousa non se faría, pero comer chegoulle ben.
Unha das situacións máis habituais despois do Nadal e non saber que facer con
os doces que sobran, como os turróns de améndoas. Nesta ocasión douvos unha
pequena idea para poder incorporar o turrón de Jijona a un cupcake.
Ingredientes
para 12 biscoitos:
·
150 gr. Manteiga
·
120 gr. Azucre
moreno
·
3 ovos
·
220 gr. Fariña
·
50 ml. Leite
·
50 gr. Pasas de
Corinto
·
20 ml. Ron
·
1 culleriña de
levedo Royal
Comezamos poñendo as uvas pasas nun
recipiente e cubrimos con ron para que se vaian impregnando.
Por outro lado poñemos a manteiga,
previamente apartada do frío para que este branda, nun recipiente xunto co
azucre moreno e batemos ata que quede completamente integrados entre si.
Engadimos os ovos un a un e entre medias batemos ata que se incorporen entre si
e terminamos engadindo o leite.
Para rematar incorporamos a fariña e o
levedo previamente peneiradas a mestura anterior e remexemos con coidado ata
que non queden grumos. E xusto antes de introducir nas casullas a mestura
engadímoslle as pasas de corinto xunto co ron que tiñamos macerando.
Repartimos a mestura en 12 casullas nunha
bandexa de forno de cupacakes e introducimos durante 20 minutos a 180 ºC .
Ingredientes para o frosting de turrón:
·
120 gr. Manteiga
·
120 gr. Queixo
philadelphia
·
150 gr. Azucre
glass
·
200 gr. Turrón de
Xixona
Poñemos
nun recipiente a manteiga, que previamente quitamos da neveira para que este
atemperada, xunto co azucre glass e batemos a conciencia ata que a mestura se
poña dunha cor branca e moi cremosa. Nese intre engadímoslle o queixo e o
turrón esmigallado e batemos ata que se integren entre si tódolos ingredientes.
Para o
montaxe final comezamos bañando con ron os biscoitos, coa axuda dunha brocha,
ata o gusto de cada un. Facemos unha roseta na parte superior do biscoito co
frosting de turrón usando a manga pasteleira. Rematamos con un pequeno anaco de
turrón de Xixona para coroar os cupcakes.
Diego Cordeiro.