miércoles, 28 de mayo de 2014

Curso na Asociación de Amas de Casa tercer día



Na terceira semán de curso fixemos uns donuts caseiros moi ricos e unhas cunchas de vieira gratinadas que tiñan un sabor moi intenso.



Preme na imaxe para acceder a receita

Preme na imaxe para acceder a receita



Donuts caseiros con glaseado de chocolate

As cunchas de vieira gratinadas xusto antes de metelas o forno.

Vieiras Gratinadas

Ingredientes:
     ·        500 gr. carne de vieira
     ·        100 gr. Porro
     ·        100 gr. cenoria
     ·        100 gr. Cabaciña (calabacín)
     ·        1 dente de allo
     ·        100 gr. setas
     ·        80 gr. manteiga
     ·        80 gr. fariña
     ·        ½ litro leite
     ·        Sal, pementa, pemento doce, azafrán.


Comezamos cortando en xuliana fina todas as verduras. Nunha tarteira fundimos a manteiga e nela refogamos o allo, o porro e a cenoria. Pasados uns 5 minutos engadimos a cabaciña e as setas.
Unha vez ben pochadas as verduras incorporamos a carne das vieiras cortadas en lascas e removemos ben coas verduras. Salpimentamos e engadimos un toque de cor suave con media culler de pemento doce e unas febras de azafrán
Agora toca darlle o toque final, engadir a fariña. Removemos ata desfacela por completo e imos engadindo leite e removendo como se fora unha bechamel ata conseguir a consistencia desexada.
Repartimos en cunchas de vieira, poñemos un pouco de queixo relado na superficie e introducimos no forno a 190º C, ata que quede ben gratinado.

Podemos substituír as vieiras por calquera outro marisco.
                                                                                      Diego Cordeiro.
 Vieiras Gratinadas


miércoles, 21 de mayo de 2014

Curso na Asociación de Amas de Casa segundo día




Esta seman pasada foi o segundo día de curso na Asociación Albariño Amas de Casa de Cambados no cal fixemos tempuras e uns biscuits xeados.
Preme na imaxe para acceder a receita

Preme na imaxe para acceder a receita

Preme na imaxe para acceder a receita





Eu en plena faena no segundo día de curso, día moi productivo.




















Lombos de Chinchos en tempura con un toque de allo e perexil que foron todo un éxito.



Bastonciños de verduras en tempura que fixeron a delicia das/os asistentes.




Podedes acceder ós enlaces das receitas pinchando na pizzarra e así podedes animarvos a facelas na casa xa que son receitas sinxelas e moi ricas.


A Miña Versión de Tempura


Ingredientes:

     ·       2 ovos
     ·       50 ml. Aceite de oliva
     ·       50 ml. Viño branco
     ·       150 ml. Auga
     ·       5 gr. levedo Royal
     ·       15 gr. maicena
     ·       200 gr. fariña
     ·       1 dente de allo
     ·       Perexil
     ·       Sal

Nun bol botamos os 2 ovos, o aceite de oliva, o viño branco e auga fría e mesturamos ben.


Vamos incorporando a fariña, a maicena, o levedo e a sal e removemos ata que non quede ningún grumo. Como opción para darlle un toque máis intenso de sabor podemos votarlle allo e perexil picado.
Moi importante que este ben frío a hora de utilizalo para que quede máis crocante á hora de fritir. Sempre empregaremos aceite de oliva ben quente.

So queda escoller o ingrediente que vaiamos a fritir coa nosa tempura e a gozar dun bocado moi saboroso e sinxelo.
                                                                                        Diego Cordeiro.
 A Miña Versión da Tempura

Biscuit Xeado


Ingredientes:

     ·       ½ litro nata
     ·       4 ovos
     ·       4 follas de xelatina
     ·       80 gr. azucre
     ·       200 gr. do ingrediente desexado (fresas, améndoas, figos,…)
     ·       Chorriño de brandy
     ·       Vainilla
     ·       Biscoitos

Para comezar forramos os moldes rectangulares con papel film para que nos sexa máis doado desmoldalo, unha vez este xeado.
Poñemos no fondo do molde biscoitos e os emborrachamos con brandy.
Nun bol montamos a nata, noutro aparte 4 xemas, 2 claras de ovo e o azucre e por último noutro recipiente montamos dúas claras de ovo a punto de neve.
Imos incorporando as xemas, a nata e acto seguido as claras a punto de neve, sempre con moito coidado para que non se baixen. Terminamos engadindo unha chisca de aroma de vainilla, as colas de xelatina previamente hidratadas e fundidas e o ingrediente que lle vaiamos a incorporar. Se é froita fresca picámola en anacos ben pequenos e se é un froito seco triturámolo previamente coa nata.

Introducimos no molde e metemos no conxelador durante 24 horas.

                                                                                    Diego Cordeiro.
 Biscuit Xeado

Fritura Para Froita


Ingredientes:

      ·       250 ml. Leite
      ·       50 gr. azucre
      ·       50 gr. manteiga
      ·       2 ovos
      ·       200 gr. fariña
      ·       Sal

     


Esta tempura para  froitas e doces e unha alternativa moi orixinal para sorprender os vosos invitados.
E unha receita moi sinxela so temos que mesturar todos os ingredientes nun recipiente ata que non quede ningún grumo.

Unha vez feito isto so temos que pasar pola tempura a froita escollida e fritir.

                                                                                    Diego Cordeiro.
 Fritura Para Froita

lunes, 12 de mayo de 2014

Curso na Asociación de Amas de Casa





Nas próximas semanas estarei facendo un curso na Asociación Albariño de Amas de casa de Cambados, irei subindovos as receitas e fotos para que poidades velo.

O xoves da semana pasada fixemos "Cañitas da Aldea" e aprendemos a facer varios recheos diferentes: Trufa de chocolate, Crema pasteleira e de laranxa e unha variante de recheo salgado.


Preme na imaxe para acceder ás receitas.



Engadindo o recheo das nosas cañitas.
Con unhas pinches moi traballadoras.



Como podedes ver quedou un bo resultado final, espero que as alumnas/os  disfrutasen da miña primeira clase. E das que iremos facendo nas próximas semanas.
Podedes acceder ós enlaces das receitas pinchando na pizzarra que pon "RECEITAS DO PRIMEIRO DÍA DE CURSO". 


Diego Cordeiro.


  

Cañitas da aldea e recheos


Ingredientes para 75 unidades:
  •     150 ml. aceite de xirasol
  • 150 ml. Leite
  • 150 ml. Viño branco
  •   Fariña (a que admita)
  •  Anís
  •   Sal


Nun recipiente pesamos o aceite de xirasol, a leite e o viño branco. O aceite de xirasol podemos poñelo ó lume cunha pel de limón, para perfumalo e darlle un sabor máis intenso ás nosas “cañitas”. Engadímoslle un chorriño de anís o gusto, unha chisca de sal e pouco a pouco fariña ata conseguir unha masa homoxénea, maleable e que non se pegue ás mans.
Deixamos repousar durante uns 15 minutos.

Collemos unha cuarta parte da masa e estirámola ben. Coa axuda dun coitelo cortamos tiras do mesmo tamaño e imos enrolando sobre un molde sen que sobresaia da parte superior, para evitar que se nos rompa o desmoldalos.


O seguinte paso e fritilas en aceite de xirasol ben quente. Ó rematar, escorremos ben de aceite e desmoldamos en quente, que é moito máis sinxelo.










Para rematar, so falta reenchelas coa crema que máis nos guste. Pódese botar por riba con azucre glass ou decorar con chocolate e gránulo de améndoas. Tamen podemos facelas para un aperitivo, preparando un recheo salgado co que teñades pola casa ou máis vos guste, como salpicón de atún.  








     Ingredientes:
  • ½ litro leite
  • ½ litro zume laranxa
  • 150 gr. azucre
  • 90 gr. maicena
  • 3 xemas de ovo
  • 3 ovos
  • 25 gr. manteiga
  • Sal

Poñemos ó lume nun cazo a leite con unha pel de laranxa e noutro cazo o zume de laranxa. Sempre hai que poñelos por separado, xa que, a leite e os cítricos a temperatura ambiente córtanse. Unha vez quentes non hai perigo.
Noutro cazo preparamos a fariña, o azucre, e a maicena. Removemos ben coa axuda dunha variña para desfacer completamente os grumos. Terminamos engadindo os ovos, as xemas, a manteiga fundida, unha chisca de sal e mesturamos.
Incorporamos a leite e o zume xa quentes a esta mestura e poñémola ó lume. Removemos ata que comece a ferver, ten que quedar unha crema homoxénea e sen grumos. Deixar arrefriar.





   Ingredientes:
  • 1 litro leite
  • 150 gr. de azucre
  • 50 gr. fariña
  • 50 gr. maicena
  • 25 gr. manteiga
  • 2 ovos
  • 5 xemas de ovo
  • ½  rama de canela
  • A pel dun limón e laranxa
  • Sal

Poñemos ó lume o leite nun cazo, con un anaco de canela en rama e unha pel dun limón e dunha laranxa.
Noutro cazo preparamos a fariña, a maicena e o azucre e removemos ben con unha variña ata desfacer calquera grumo. Terminamos por engadir os ovos, as xemas, a manteiga derretida e un chisco de sal, seguimos removendo ata que se integren por completo todos os ingredientes.
Incorporamos a esta mestura o leite quente e poñemos ó lume removendo con unha variña ata que levante un fervor. Arrefriar ben e xa se pode utilizar para reencher calquera torta ou doce.






   Ingredientes:
  • 1/2 litro de nata
  • 350 gr. cobertura de chocolate
  • ½ nata para montar

Poñemos o lume nun cazo ½ litro de nata e no momento que levante o fervor apartamos do lume e engadímoslle o chocolate e removemos ben, ata que quede totalmente integrado coa nata.
Metemos na neveira ata que este ben fría.
Para montala temos que incorporarlle ½ litro de nata e batemos ata que esponxe e quede maleable, pero que se manteña.





Diego Cordeiro.