Bavarois de Framboesa

            

          Unha bavarois e unha sobremesa moi sinxela de facer, neste caso esta composto dunha crema inglesa, nata montada e o ingrediente que lle queiramos engadir, e optei por una froita con moitos matices no paladar e que sempre queda moi ben en calquera sobremesa, a framboesa.

 Ingredientes para a crema Inglesa:

• ·         300 ml. De leite
• ·         100 gr. de azucre
• ·         3 xemas de ovo

       Nun cazo poñemos a leite o lume. Aparte noutro cazo mesturamos o azucre cos ovos e una vez férvida a leite engadímoslla a esta mestura sen deixar de remexer e poñemos o lume durante uns 2 minutos. Ten que quedar una crema sen grumos, lixeira e homoxénea. Reservamos.

  Ingredientes :

• ·         500 ml. Nata
• ·         50 gr. de azucre
• ·         400 gr. de Framboesa
• ·         15 gr. de xelatina en laminas
• ·         1 biscoito base

     Hidratamos a xelatina en auga e engadímoslla a crema inglesa anterior, aproveitando que aínda esta quente para que se disolva sen ningún problema.

     Montamos a nata co azucre e reservamos.

     Aparte trituramos ou picamos levemente a framboesa para que se noten lixeiramente os trociños.

    O ultimo paso e ir xuntando con coidado a crema inglesa xa atemperada coa nata, e a framboesa. Sempre removendo con moito coidado para que non se nos veña abaixo a nata montada. Vertemos sobre un molde con un biscoito na base e introducimos na neveira.

       Unha vez que xa teña corpo a nosa bavarois, vamos facerlle una pequena decoración para a parte superior. Collemos un puñado de framboesa con un pouco de azucre e nun cazo poñemos para facer una confitura moi lixeira coa cal votaremos por riba da bavarois, que lle dará un toque de cor e elegancia a nosa sobremesa.

                                                                       Diego Cordeiro

Croquetas de Cacheira

                Esta semana vou propoñervos facer dun manxar moi galego como é a cacheira, nun bocado máis elegante para os invitados que teñades na casa. As croquetas de cacheira sen dubida teñen un sabor único e intenso e  moito máis delicado no paladar, e non dan mais traballo que calquera outra receita de croquetas.

            

    Ingredientes:

·        750 ml. de leite

·        400 gr. de fariña

·        300 gr. de manteiga

·        150 gr. de cebola

·        250 ml. de caldo de cacheira

·        250 gr. de cacheira de porco salgada

·        Sal

·        Noz moscada

·        Pementa branca

·        2 ovos

·        Pan Relado

O primeiro que facemos é poñer a desalgar a cacheira nun recipiente cheo de auga dende o dia anterior. Cambiamos un par de veces a auga durante o dia.

Poñemos nunha tarteira a cacheira con auga a cocer durante una hora e reservamos a cacheira e 250 cl. do caldo da cocción. Este caldo potenciara o sabor da cacheira nas nosas croquetas.

Nun cazo botamos a manteiga e poñemos o lume para que se derreta e nela pochamos a lume frouxa a cebola picada moi fina. Unha vez pochada a cebola engadimos a fariña e coa axuda dunha barilla remexemos ata conseguir desfacer todos os grumos.

O seguinte paso e ir engadindo o caldo gardado anteriormente e removemos coa axuda dunha culler de madeira, una vez que incorporado todo o liquido seguimos engadindo o leite xa quentado previamente nun cazo aparte. Por ultimo engadimos a cacheira picada en anacos o máis pequenos posible e rectificamos de sal pementa e noz moscada. Con o lume o mínimo seguimos removendo ata que a masa de croquetas ten una consistencia homoxénea e despegase do fondo.

Votámola nunha bandexa para que enfrie e gardámola na neveira polo menos unas 5 horas ata que este ben fría para poder traballar con ela sen queimarnos.

Facemos roliños coa masa e vamos cortando co tamaño que queiramos e dámoslle forma, pasamos por ovo e pan rallado. Hai quen as pasa por fariña eu non o recomendo, a fariña en cru nunca vos vai beneficiar a resgos xerais, se podemos evitala mellor e un consello que vos dou.

Non queda mais que freilas en aceite ben quente e a disfrutalas. Podedes conxelalas sen ningún problema, con que as quitedes 4 horas antes de ir a freilas bastara.

                                                                                    Diego Cordeiro.

MASA BOLLERIA FRITA (DONUTS)

A receita de esta semana estou seguro que vos vai gustar  e  non teñen nada que envexarlle ós Donutscomprados. Esta receita é sinxela de facer, so fai falla un pouco de tempo de espera para que a masa fermente.

Para a esponxa:

• 200 gr. de Fariña de forza
• 40 gr. de levedo
• 120 ml. Auga

Nun bol introducimos todos os ingredientes e amasamos, una vez conseguida a nosa masa introducímola nun recipiente con auga quente. Deixámola o tempo necesario ata que dobre o seu volume.

Ingredientes para a masa:

•  400 gr. fariña de forza
•  400 gr. fariña frouxa
• 120 gr. de azucre
• 15 gr. sal
•  100 gr. de manteiga
•  3 ovos
•  150 ml. De auga
• 100 ml. De leite
• Noz moscada
• Aroma de laranxa ou ralladura.

      Facemos un volcán coa fariña e o azucre e no seu interior introducimos o resto de ingredientes e a esponxa feita anteriormente ben escorrida da auga. Amasamos durante un par de minutos ata que conseguimos unha masa homoxénea e deixamos u durante 5 minutos en bloque.

Estiramos a masa ata un 1 cm. De grosor ou superior dependendo o grosor que nos interese conseguir e o tamaño do rosco (donuts), e cortamos con un cortapastas do tamaño escollido e repetimos con outro cortapastas de menor tamaño para o burato do interior, podemos facelo sen burato por si os queremos para reencher dunha crema ( opción máis que recomendable para os máis lambeteiros). Deixamos Fermentar nun lugar cunha temperatura sempre superior a 30º C durante o tempo necesario ata que dobre o seu volume.

Friximos en aceite vexetal a uns 180ºC os nosos roscos, aproximadamente uns 50 segundos por cada lado, retiramos do aceite e poñémolos sobre papel absorbente.

Acto seguido os podemos decorar da maneira que máis nos guste, con chocolate ou da forma orixinal o glaseado.

Para o glaseado:

• 1 Clara de ovo
• 200 gr. azucre glass 
•  Unas gotas de limón

Nun recipiente  mesturamos a clara de ovo, as gotas de limón e vamos engadindo o azucre ata que quede  homoxéneo e sen grumo, ten que quedar un pouco liquida pero con algo de consistencia para que os nosos roscos queden ben glaseados. Podemos votarlle distintos tipos de colorantes para darlle unha cor máis chamativa para os peques da casa. Pasámolos polas dúas caras e poñémolos sobre unha reixa para que escorra o excedente de glasa.

Gozade da receita e seguro que sorprendedes con un almorzo que a todos nos gusta pero coa diferenza que son totalmente sans e feitos con ingredientes naturais que todos temos na casa, xa que os comprados están bos pero deus sabe o que lle votan.

Lasaña de Bacallau, Grelos e Langostinos

            

        ¿Cansados de tomar sempre a lasaña de carne?, Una lasaña e a mellor maneira para probar cousas novas na cociña. Téñoa usado dende polbo ata boletus con queixo de cabra. A cociña non ten limites na creatividade, os limites  poñédelos vos. Recoméndovos ser un pouco atrevidos coa tixola na man, sorprenderedes ós vosos convidados.

Ingredientes:

·        12 placas de lasaña

·        500 gr. de bacallau desalgado

·        1 atado de grelos

·        12 lagostinos

·        100 ml. aceite de oliva

·        1 cebola

·        ½ pemento vermello.

·        2 cenorias

·        2 dentes de allo

·        100 ml. de salsa de tomate

·        100 gr. de queixo relado

·        Sal

·        Pementa branca

O primeiro que facemos e limpar os grelos e cocelos durante dez minutos en abundante auga con sal. Reservamos.

Ingredientes para a bechamel:

     ·   ½ litro de leite

·                    ·30 gr. manteiga

·                    ·30 gr. fariña

·                    ·Sal, pementa branca e noz moscada

Nun cazo aparte facemos a bechamel, fundimos a manteiga e vamos engadindo a manteiga sen deixar de remexer coa axuda dun batedor. Imos engadindo a leite quentada previamente ós poucos, salpimentamos e botámoslle a noz moscada ó gusto. Reservamos.

Nun cazo poñemos o aceite de oliva coa cebola, pemento, cenoria picados finamente. Refogar co lume baixo removendo para que se fagan por igual e engadimos o bacallau picado en anacos non moi grandes, xunto cos lagostinos previamente pelados e picados. Por ultimo engadimos os grelos picados e terminamos con un chorriño de salsa de tomate e coa metade da bechamel feita anteriormente, salpimentamos e deixamos cocer durante 5 minutos.

Collemos una placa de forno e no fondo poñemos una cullerada de tomate frito e enriba poñemos una placa de lasaña cocida previamente, e vamos repartindo o noso recheo de bacallau sobre as placas. Poñemos tres placas por lasaña e dous de recheo. A parte de enriba cubrímola coa salsa bechamel e queixo relado.

Metemos no forno a 190ºC durante uns 15 minutos ata que quede ben gratinado o queixo.

Espero que vos guste a lasaña e, xa sabedes, podedes experimentar  seguindo estes pasos xogando con distintos ingredientes.

                                                                   Diego Cordeiro

Pastas de té (corte)

¿Tes invitados a tomalo café? , sorpréndeos con unas pastas caseiras moi sinxelas de facer e con ingredientes que todos temos na casa.

Despois de que algúns de vos pedísedes algún receita de galletas, pastas, cookies ou similar, decidinme a facer estas pastas de corte.

INGREDIENTES:

• ·         300 gr. manteiga
• ·         200 gr. azucre
• ·         500 gr. fariña
• ·         4 xemas de ovo
• ·         Aroma de vainilla
• ·         Sal

     Axudámonos dun recipiente para mesturar todos ingredientes, importante que a manteiga este a temperatura ambiente para facilitarnos a mestura e que sexa máis sinxelo unilos ingredientes.

Como vedes non hai un orde para ir engadindo os ingredientes, simplemente votalos xuntos e mesturar. Una vez este formada una masa uniforme amasamos enerxicamente sobre un mesado.

Unha vez chegados a este punto podemos alterar a nosa masa o noso gusto, votarlle a una parte virutas de chocolate, ou cacao, noces picadas, …  depende da creatividade  e gusto de cada persoa.

Hai varias formas de facelas, unha delas é estirar a masa e cortar cun cortapastas e outra e facer roliños, meter na neveira e cando teña consistencia cortar con un coitelo co grosor que prefiramos.

Poñemos sobre una placa de forno, pintamos con ovo e introducimos o forno a 190ºC durante un tempo aproximado de 8 minutos, ollo o tempo pode variar en función do forno.

Quero engadir que a masa podemos gardala na neveira durante una semana, quitala e facela sen ningún problema. Tamén podemos conxelala xusto despois de facela, deste xeito, se nos pasamos facendo masa podemos gardala para outra ocasión.

Espero que vos guste e que fagades as delicias dos vosos convidados con esta receita.

Diego Cordeiro

Risotto "San Martiño"

Esta semana foi San Martiño e como ben sabedes por “San Martiño trompos o camiño” e “mata o teu porquiño”, eu quixen facer referencia o segundo refrán popular e resaltar un dos mellores manxares que hai en Galicia que é o porco. Quixen adaptalo a un dos meus pratos favoritos que e o risotto.

Ingredentes para 4 persoas:

                          ·         100  gr. de cacheira de porco en salazón.

·         100  gr. de lacón de porco en salazón.

·         1 chourizo.

·         325 gr. de arroz (Arborio).

·         1 ceboliña.

·         1 dente de allo.

·         50 ml. de aceite de oliva.

·         1 dl. de nata.

·         100 gr. queixo parmesano.

·         1.5 l. de caldo de cocción da cacheira.

·         Perexil.

O dia anterior poñemos a cacheira e o lacón nun recipiente con abundante auga para que perda o salazón, cambiamos a auga dúas veces.

Nunha tarteira con auga poñemos a cocer durante 40 minutos a cacheira o lacón e o chourizo. Reservamos o caldo da cocción para mollar despois o noso risotto.

Aparte nun cazo botamos no fondo aceite de oliva e pochamos un dente de allo e unha ceboliña picadas finamente. Unha vez pochado engadimos o arroz e a cacheira, o lacón e o chourizo picados. Poñemos o lume baixiño e vamos engadindo o caldo pouco a pouco sen deixar de remover, así durante 20 minutos. A proporción de caldo para mollar un risotto e por un cazo de arroz catro de caldo, pero pode variar según arroz, así que recomendo ser flexible según o tipo de arroz.

Unha vez que o arroz este “o dente” apartamos do lume e terminamos con un chorriño de nata que lle dará cremosidade e queixo parmesano relado que potenciará o sabor do noso risotto.

Gozade do prato de hoxe, xa que é unha combinación que non vos decepcionara.

Diego Cordeiro

Cupcakes de castaña

     Que mellor maneira de estrear o blog que facendo un dos doces de máis fama nos últimos tempos, os cupcakes. Quixen adaptalo  á nosa terra e á época do ano, así que optei por facelos de castañas. 

             Para facer a base empregaremos os seguintes ingredientes:

·         90gr. manteiga a temperatura ambiente.
·         150gr. de azucre.
·         2 ovos
·         150gr. de fariña
·         1 culleriña de levadura royal.
·         90 ml. de leite.
·         Aroma de vainilla
·         Un puñado de chips de chocolate.

     Poñemos a manteiga e o azucre nun recipiente e batemos a velocidade alta ata que a mestura se poña branca. Imos engadindo os ovos de un en un a velocidade baixa e engadimos a metade da fariña co levedo ata que sexa homoxéneo.

     Despois de engadimos o leite e  rematamos co resto da fariña e chips de chocolate. 

     Prequentamos o forno a 180 graos e preparamos as cápsulas para botar a masa. Enchemos ata a metade as cápsulas e introducimos a bandexa no forno 20 minutos.

Para o recheo empregaremos os seguintes ingredientes:

·         150 gr de castañas.

·         150 ml. de leite.

·         40 gr. de azucre.

Poñer todos os ingredientes nun cazo e  cocer durante 30 minutos. Trituramos e reservamos.

Unha vez frías as bases coa axuda dun descorazonador de mazás baleiramos o interior e enchémolo coa metade da mestura anterior.

Para a crema empregaremos os seguintes ingredientes:

·         100 gr. de manteiga.

·         100 gr. de azucre glass.

·         100gr. da crema de castañas que reservamos do recheo.

Nun recipiente batemos a manteiga co azucre  ata que quede dunha cor branquecina e incorporamos a crema de castaña.

Coa  manga pasteleira decoramos as bases facendo unha roseta, terminando con un marron glace.

Este é o resultado.

Espero que vos guste a receita e que vos animedes a facela na casa e sacar o pequeno cociñeiro que levades dentro.

Un saúdo, 

Diego Cordeiro.