Tarta De Queixo Fría Con Cereixas

Unha das tartas máis típicas e de máis popularidade nas nosas casas é tarta de queixo fría. Existen moitas versión e moitas variantes na forma de facelas e eu quería aportar a miña versión e estou seguro que non vos decepcionará.

Ingredientes para a base:

        ·        250 gr. galletas tipo Chiquilin

        ·        125 gr. Manteiga

Machacamos ou trituramos as galletas chiquilin, recomendo esta galletas por que aguntan moi ben a humidade. E mesturamos coa manteiga enpomada e quedaranos una masa uniforme que a poñemos ben extendida no fono de un molde desmondable, refrixeramos.

Ingredientes para crema de queixo:

        ·        250 gr. queixo Philadelphia

        ·        250 gr. queixo Mascarpone

        ·        400 ml. nata

        ·        5 xemas de ovo

        ·        250 gr. Azucre

        ·        10 colas de xelatina

        ·        1 reladura de limón

        ·        400 gr. Cereixas

Nun bol batimolos queixos ata que resulte cremoso.

Noutro bol semimontamos a nata con 75 gr. do azucre.

Aparte montamos a xemas de ovo con 75 gr. azucre, añadimoslle 8 colas de xelatina previamente hidratadas e fundidas nun pouco de licor.

Xuntamos as xemas, o queixo e a nata e mesturamos con coidado ata que queden completamente integrados entre si. Engadimos a reladura de limón e  botamos a crema no molde enriba da base de galletas e refrixeramos.

O seguinte paso e preparar unha confitura de cereixas coa que vamos cubrir a parte superior da tarta. Empezamos cortando a metade as cereixas e quitandolle a carabuña, reservamos a metade de elas. A outra metade a poñemos nun cazo e facemos unha confitura xunto con 150 gr. de azucre, unha vez feita engadimoslle duas colas de xelatina e deixamos atemperar. Co resto das cereixas vamos poñendoas na parte superior da tarta e cubrimos coa confitura. Deixamos refrixerar durante 12 horas.

So queda demoldala tarta e desfrutar dun bocado doce. A confitura podese cambiar o gusto de cada un eu optei por cereixas xa que están en tempada.

                                                                                       Diego Cordeiro.

                                                       

Risotto cremoso de torta do Casar con shiitake e polo

 Volvo a decantarme por facer un risotto, un prato que me apaixona polo cremoso que queda. Nesta ocasión empreguei dous ingredientes, seta shiitake e queixo torta do Casar. O queixo torta do Casar é un queixo Estremeño feito con leite de ovella e que se caracteriza por ter unha textura untuosa e un sabor intenso.

Ingredientes para 4 persoas:

        ·        325 gr. de arroz (Arborio).

        ·        200 gr. seta shiitake

        ·        150 gr. peituga de polo

        ·        1 ceboliña.

        ·        1 dente de allo.

        ·        50 cl. de aceite de oliva.

        ·        100 ml. de nata.

        ·        100 gr. queixo Torta do Casar.

        ·        1.5 l. de caldo de polo.

        ·        Sal e pementa.

Nunha tarteira poñemos no fondo un chorro de aceite de oliva e fondeamos un dente de allo xunto con unha cebola picadas fino. Unha vez pochadas engadimos a peituga cortada en dados e as setas shiitake, no meu caso eran pequenas e utiliceinas enteiras. Refogamos ben.

 Incorporamos o arroz e imos mollando progresivamente con un caldo de polo quente e sen deixar de remover para que o arroz se vaia ligando. Facemos este proceso durante 15 minutos con lume baixo. A proporción de caldo para mollar un risotto é por un cazo de arroz, catro de caldo, pero pode variar dependendo do arroz, así que recomendo ser flexible segundo o tipo de arroz.

Para rematar engadimos o queixo e a nata removemos e cocemos dous minutos mais para que se incorporen ben todos sabores entre si, apagamos e recomendo deixar repousar un par de minutos para que este no seu punto óptimo de consumo.

                                                                          Diego Cordeiro.

                                           

Cupcakes de Licor Café

Na procura de novos sabores para incorporalos nas receitas dos cupcakes esta vez probei con algo que nunca falta nunha sobremesa en calquera parte de Galicia, o licor café. Quixen integrar todo o sabor e toda a forza que contén o licor café, polo que non quixen facelos suaves se non serian cupcakes de café. O resultado non vos decepcionará.

Ingredientes para 12 bases:

       ·        115 gr. manteiga

       ·        120 gr. azucre

       ·        3 ovos

       ·        200 gr. fariña

       ·        1 ½  culler de levadura royal

       ·        60 ml. Leite

       ·        60 ml. Licor café

Poñemos nun recipiente a manteiga, co azucre e batemos ata conseguir unha masa cremosa.

Engadimos os ovos, un a un, e removemos. Logo incorporamos a metade da fariña, previamente peneirada, xunto co levedo e mesturamos ata que desfagamos todos os grumos.

Para rematar engadimos o leite e o licor café, removemos e terminamos coa outra metade da fariña.

Repartimos en doce casullas nunha bandexa e introducimola no forno, previamente prequentado a 180ºC, cocemos durante 15 ou 20 minutos.

Ingredientes para a crema:

        ·       200 gr. queixo mascarpone 

        ·       50 ml. Nata

        ·       50 ml. Licor café

        ·       50 gr. azucre

    Poñemos os ingredientes nun recipiente e batemos ata conseguir que teña consistencia. Coa axuda dunha manga pasteleira, decoramos as casullas cunha roseta.

Para decoralas poñemos na parte superior unha guinda que previamente puxemos a macerar en licor café 24 horas antes, para darlle un toque máis intenso e rematamos con un pouco de azucre moreno. 

                                                                             Diego Cordeiro.

                                         

Empanada de Bolos

O xoves da semana pasada fun pola praza de Abastos a votar unha ollada, non había moita variedade de peixes xa que fun un pouco tarde, pero nun dos postos tiñan un puñado de bolos pequenos (en Cambados coñecidos como “areeiros” ou “voladores” e no Hio tamén chamados “farabolos”). O caso é que a min encantanme, sexan fritos ou guisados, pero ó ser tan pequenos ocorréuseme facer unha empanada como se fora de xoubas, pero con bolos e este foi o resultado.

Ingredientes para a masa:

      ·        500 gr. Fariña

      ·        1 ovo

      ·        30 gr. levedo

      ·        50 ml. Leite

      ·        50 ml. Aceite do rustrido

      ·        Sal

      ·        Auga a que admita

Poñemos a fariña nun bol e facemos un volcán e no seu interior incorporamos o ovo, leite, sal e o aceite do sofrito, que lle dará cor e sabor a nosa masa. Imos engadindo auga ata acadar una textura manexable e elástica. Por ultimo, engadímoslle o levedo e amasamos enerxicamente. Reservamos tapado cun pano ata que dobre o seu volume.

Ingredientes para o recheo:

       ·       2 cebolas

       ·       ½ pemento vermello

       ·       ½ pemento verde

       ·       500 gr. bolos

       ·       1 culler de pemento doce

       ·       Sal

       ·       100 ml. Aceite de oliva

O seguinte é preparar o rustrido para a empanada, poñemos aceite nunha tixola e pochamos a cebola e pemento picados en anacos. Deixamos cocer a lume baixo, ata que as verduras queden ben pochadas e engadímoslle unha culler de pemento doce e rectificamos de sal.

Estiremos a metade da masa que fará de base, e poñémola nunha bandexa de forno. Enriba repetimos o rustrido sobre toda a superficie. Sobre o rustrido repartimos os bolos limpos de cabeza e vísceras e sazonamos. Estiramos a outra metade e tapamos a bandexa, cortamos os sobrantes e facemos o peche polos lados para que non se escape o recheo. Facemos un pequeno burato no centro para que saian os vapores durante a cocción e pintamos con ovo toda a superficie da empanada.

Introducimos no forno previamente quentado durante 20-25 minutos a 185ºC.

O resultado non vos defraudará, estaba boísima. Cun gran sabor a mar e o máis importante, que é unha empanada moi económica, xa que o quilo de bolos saíume so a 2€.                                     Diego Cordeiro.

                            

Muffins de Platano e Noces

Esta é a miña primeira incursión nos Muffins, moi de moda nos últimos anos. A verdade e que son moi sinxelos de facer e o resultado e realmente bo. Decidinme por votarlle plátano, aproveitando que tiña uns cantos moi maduros e para enfornar é o mellor, xa que, desfaise con máis facilidade e  aportan máis doce.  

Ingredientes para 12 muffins:

      ·       3 plátanos maduros

      ·       60 ml. Nata

      ·       240 gr. fariña

      ·       120 gr. azucre moreno

      ·       50 gr. de noces

      ·       90 gr. manteiga

      ·       3 ovos

      ·       Sal

      ·       Vainilla

      ·       2 culleradas de Royal

Nun recipiente poñemos a manteiga, a temperatura ambiente, xunto co azucre moreno e batemos ben. Imos engadindo os ovos un a un e batemos entre medias. Acto seguido incorporamos a nata.

Para rematar engadimos pouco a pouco a fariña, previamente peneirada, e removemos lixeiramente. Como punto final botámoslle dúas culleradas de Royal, aroma de vainilla e unha chisca de sal.

Repartimos esta mestura en doce moldes de muffins e na superficie colocamos anacos de noces. Tamén podemos polvoriñar con lascas de chocolate, que lle iran moi ben.

Introducimos no forno previamente quente a 180ºC durante uns 20 minutos.

                                                                                       Diego Cordeiro.

Curso na Asociación de Amas de Casa Cuarto día

No último día de curso fixemos uns panciños de semillas, uns bolos suizos e un merengue co cal preparamos un souflé que fixo as delicias de todas/os.

Preme na imaxe para acceder a imaxe

Preme na imaxe para acceder a imaxe

Preme na imaxe para acceder a imaxe

Montando o merengue para o souflé

Preparando os panciños para meter no forno.

O Souflé Xeado no momento do flambeado.

Merengue Italiano

Ingredientes:

      ·        330 gr. azucre

      ·        160 gr. claras de ovo

      ·        60 ml. Auga

      ·        Unhas gotas de zume de limón

Comezamos montando as claras a punto de neve. Unha vez a punto de neve engadimos pouco a pouco uns 80 gr. de azucre.

Aparte  nun cazo poñemos o lume a auga xunto co resto do azucre e facemos un xarope que ten que alcanzar 120 ºC . Se non temos un termómetro  o xeito  de  asegurarnos que está e fervelo durante entre 10 e 15 minutos.

Sen que arrefríe o xarope  ímolo engadindo con un chorriño fino ao merengue sen deixar de bater. Estará listo cando tempere.

                                                                                     Diego Cordeiro.