TIRAMISÚ & BROWNIE

                Se fago unha enquisa entre todos sobre os vosos doces favoritos, estou seguro que os máis repetidos serían o tiramisú e o brownie. Polo menos son os meus preferidos, o tiramisú apórtame cremosidade e delicadeza e o brownie intensidade e sabor. Un dia plantexeime ¿ porque non unir os dous reis da nosa sobremesa?

Ingredientes para a base de brownie:

• ·        4 ovos
• ·        50 gr. fariña
• ·        150 gr. manteiga
• ·        200 gr. chocolate
• ·        150 gr. azucre

  Nun recipiente poñemos a manteiga e chocolate en anacos pequenos e fundimos no microondas, tendo coidado de ir removendo cada pouco para que non se queime.

Noutro bol mesturamos o azucre, fariña e os ovos. Incorporamos o chocolate e manteiga fundida anteriormente e mesturamos. Verter nunha bandexa e enfornar a 180ºC durante 20-25 minutos.

Ingredientes para o tiramisú:

• ·        4 ovos
• ·        200 gr. azucre
• ·        400 gr. queixo mascarpone
• ·        750 gr. nata
• ·        6 follas de xelatina

Montamos os ovos coa metade do azucre e por outro lado semimontamos a nata, o queixo e o resto do azucre.

Hidratamos as follas da xelatina e as fundimos nun pouco de nata e incorporamos as dúas mesturas anteriores.

O seguinte paso e calar o brownie con una mestura de café con licor de amareto. E vertemos a crema de tiramisú sobre o brownie, deixamos na neveira como mínimo 12 horas se sodes capaces de non tocalo neste tempo claro.

Espolvoreamos con cacao en pó e a gozar dunha unión Italo-alemana que non vos decepcionara.

                                                                                                         DIEGO CORDEIRO.

ESPAGUETIS CON CREMA DE LEITE E GAMBÓNS

         Cantos días chegas a casa despois dun largo día de traballo, abres a neveira e resulta que esta baleira. ¿E agora que fago de cear? Esa é una pregunta que moi habitual nas nosas vidas. Pois iso mesmo pasoume onte, e votei man duns gambóns, nata líquida, queixo parmesano, medio pemento e unido todo isto a un pouco de pasta, saín airosamente do paso.

            Ingredientes para 4 persoas:

• ·        400 gr. Espaguetis
• ·        300 gr. Gambóns
• ·        250 ml. Nata
• ·        50ml. De manteiga
• ·        ½  Cebola
• ·        ½  Pemento verde
• ·        1 Dente de allo
• ·        50 gr. Queixo parmesano
• ·        Sal
• ·        Pementa Branca
• ·        Perexil

    Comezamos pelando os gambóns, para así aproveitar as cabezas que  introduciremos nun cazo coa nata para que coza durante uns dez minutos para así realzar cun sabor intenso a mar que será sen dubida o toque especial do prato.

     Nunha tixola vamos refogar a cebola, o pemento e o allo picados moi finamente coa manteiga, una vez pochados os vexetais engadimos os gambóns. Mollamos coa nata, xa colada das cabezas dos gambóns, e deixamos cocer a lume baixo uns cinco minutos

    Aparte cocemos os espaguetis deixándoos ó dente, escurrimos e engadimonos a nosa salsa para que coza dous minutos así colle o sabor dos gambóns.

    Terminamos cun un pouco de queixo parmesano, perexil picado e rectificamos de sal e a saborear o prato.

                                                                                                                       Diego Cordeiro.

CUPCAKES DE CHOCOLATE CON CREMA DE QUEIXO MASCARPONE

            A quen non se lle fai a boca auga so de pensar en chocolate? Pois para todos os chocoadictos pensei nunha receita que seguro que vos gustara. E hai para todos os gustos, por que pensei en suavizar e o mesmo tempo en realzar o cupcake, con una crema de queixo Mascarpone.

Ingredientes para 12 bases:

• 115 gr. Manteiga a temperatura ambiente
• 120 gr. Azucre
• 2 ovos
• 150 gr. Fariña
• 50 gr. Cacao
• 1 culleriña e media de levedo royal
• 1 culleriña de estrato de vainilla
• 140 ml. leite

Poñemos a bater a manteiga co azucre, a manteiga que este a temperatura ambiente, ata que a mestura quede mais branca. Engadimos os ovos, de un de un, sen deixar de bater ata que se incorporen por completo.

            O seguinte paso e engadir a metade da fariña, previamente tamizada, batendo a velocidade baixa e de seguido incorporamos a leite, a vainilla e seguimos batendo. 

Cando xa este ben mesturado terminamos de engadir a outra metade da fariña e o lavedo, e batemos ata que quede una mestura homoxénea.

            Encendemos o forno a 180ºC para que se vaia quentando, e preparamos a bandexa para cupcakes con 12 casullas de papel e repartímola mestura sen enchelas mais de 2/3.

            Forneamos entre 20 e 25 minutos, para asegurarnos de que están ben feitos introducimos un palillo ata que saia limpo.

            Deixamos enfriar os cupcakes uns 5 minutos. 

Ingredientes para a crema:

• 200 gr. Queixo Mascarpone
• 50 ml. Nata
• 50 gr. Azucre

            Para a parte superior do biscoito de chocolate vamos preparar unha crema moi suave e deliciosa de queixo Mascarpone. Poñemos os ingredientes nun recipiente e batemos ata conseguir que teña consistencia.

            Coa axuda dunha manga pasteleira decoramos as casullas cunha roseta da crema de queixo. Cubrimos a superficie con un pouco de cacao en pó e decoramos o gusto de cada un, eu fixen unhas pequenas chocolatinas que quedan moi simpáticas.

                                                                                                                         Diego Cordeiro.

POLO CON PIÑA O CURRY

    Na receita desta semana, mesturo varios elementos culinarios de distintos países, como o curry, o wok e a piña. No noso país a piña non pasa de tomarse ó natural ou nalgunha receita de repostería, pero sen dúbida a piña e un bo complemento para a nosa cociña, apórtalle un toque doce, e un sabor e aroma único. Esta receita e moi sinxela, moi económica e rápida de facer.

Ingredientes para 4 persoas:

·        1 kg de peitugas de polo

·        ½  piña fresca

·        1 cebola

·        ½ pemento vermello

·        ½ pemento verde

·        100 gr. champiñóns

·        3 dentes de allo

·        1 culler de curry

·        1 culler de salsa de soia

·        100 ml. de aceite de oliva

·        Perexil

·        Sal e pementa branca

    O primeiro que facemos e cortamos peitugas do polo en cadrados do mesmo tamaño, salpimentamos e reservamos.

    Facemos o mesmo coa cebola, os pementos e os champiñóns que optamos por cortalos en cuartos. Limpamos a piña da codia exterior, retirámoslle o tronco interior e de seguido, repetimos o mesmo corte que no polo e nas verduras, para que todos os ingredientes vaian cortados dunha forma similar e xogar con distintos tipos de texturas a hora de comelas.

     Nun wok, se non tedes nunha tarteira, votámoslle aceite de oliva e cando este ben quente engadímoslle as verduras e salteamos durante un minuto. De seguido engadimos o polo e removemos outro minuto e rematamos coa piña. Baixámoslle o lume a metade e terminamos coa salsa de soia e o curry, dous elementos que lle aportaran forza e aroma o noso polo.

    Deixamos cocer durante uns dez minutos a lume moderado, a piña irá soltando liquido, o que fará que se ligue cos demais ingredientes. 

Bo proveito.                                                                      Diego Cordeiro.

Bavarois de Framboesa

            

          Unha bavarois e unha sobremesa moi sinxela de facer, neste caso esta composto dunha crema inglesa, nata montada e o ingrediente que lle queiramos engadir, e optei por una froita con moitos matices no paladar e que sempre queda moi ben en calquera sobremesa, a framboesa.

 Ingredientes para a crema Inglesa:

• ·         300 ml. De leite
• ·         100 gr. de azucre
• ·         3 xemas de ovo

       Nun cazo poñemos a leite o lume. Aparte noutro cazo mesturamos o azucre cos ovos e una vez férvida a leite engadímoslla a esta mestura sen deixar de remexer e poñemos o lume durante uns 2 minutos. Ten que quedar una crema sen grumos, lixeira e homoxénea. Reservamos.

  Ingredientes :

• ·         500 ml. Nata
• ·         50 gr. de azucre
• ·         400 gr. de Framboesa
• ·         15 gr. de xelatina en laminas
• ·         1 biscoito base

     Hidratamos a xelatina en auga e engadímoslla a crema inglesa anterior, aproveitando que aínda esta quente para que se disolva sen ningún problema.

     Montamos a nata co azucre e reservamos.

     Aparte trituramos ou picamos levemente a framboesa para que se noten lixeiramente os trociños.

    O ultimo paso e ir xuntando con coidado a crema inglesa xa atemperada coa nata, e a framboesa. Sempre removendo con moito coidado para que non se nos veña abaixo a nata montada. Vertemos sobre un molde con un biscoito na base e introducimos na neveira.

       Unha vez que xa teña corpo a nosa bavarois, vamos facerlle una pequena decoración para a parte superior. Collemos un puñado de framboesa con un pouco de azucre e nun cazo poñemos para facer una confitura moi lixeira coa cal votaremos por riba da bavarois, que lle dará un toque de cor e elegancia a nosa sobremesa.

                                                                       Diego Cordeiro

Croquetas de Cacheira

                Esta semana vou propoñervos facer dun manxar moi galego como é a cacheira, nun bocado máis elegante para os invitados que teñades na casa. As croquetas de cacheira sen dubida teñen un sabor único e intenso e  moito máis delicado no paladar, e non dan mais traballo que calquera outra receita de croquetas.

            

    Ingredientes:

·        750 ml. de leite

·        400 gr. de fariña

·        300 gr. de manteiga

·        150 gr. de cebola

·        250 ml. de caldo de cacheira

·        250 gr. de cacheira de porco salgada

·        Sal

·        Noz moscada

·        Pementa branca

·        2 ovos

·        Pan Relado

O primeiro que facemos é poñer a desalgar a cacheira nun recipiente cheo de auga dende o dia anterior. Cambiamos un par de veces a auga durante o dia.

Poñemos nunha tarteira a cacheira con auga a cocer durante una hora e reservamos a cacheira e 250 cl. do caldo da cocción. Este caldo potenciara o sabor da cacheira nas nosas croquetas.

Nun cazo botamos a manteiga e poñemos o lume para que se derreta e nela pochamos a lume frouxa a cebola picada moi fina. Unha vez pochada a cebola engadimos a fariña e coa axuda dunha barilla remexemos ata conseguir desfacer todos os grumos.

O seguinte paso e ir engadindo o caldo gardado anteriormente e removemos coa axuda dunha culler de madeira, una vez que incorporado todo o liquido seguimos engadindo o leite xa quentado previamente nun cazo aparte. Por ultimo engadimos a cacheira picada en anacos o máis pequenos posible e rectificamos de sal pementa e noz moscada. Con o lume o mínimo seguimos removendo ata que a masa de croquetas ten una consistencia homoxénea e despegase do fondo.

Votámola nunha bandexa para que enfrie e gardámola na neveira polo menos unas 5 horas ata que este ben fría para poder traballar con ela sen queimarnos.

Facemos roliños coa masa e vamos cortando co tamaño que queiramos e dámoslle forma, pasamos por ovo e pan rallado. Hai quen as pasa por fariña eu non o recomendo, a fariña en cru nunca vos vai beneficiar a resgos xerais, se podemos evitala mellor e un consello que vos dou.

Non queda mais que freilas en aceite ben quente e a disfrutalas. Podedes conxelalas sen ningún problema, con que as quitedes 4 horas antes de ir a freilas bastara.

                                                                                    Diego Cordeiro.

MASA BOLLERIA FRITA (DONUTS)

A receita de esta semana estou seguro que vos vai gustar  e  non teñen nada que envexarlle ós Donutscomprados. Esta receita é sinxela de facer, so fai falla un pouco de tempo de espera para que a masa fermente.

Para a esponxa:

• 200 gr. de Fariña de forza
• 40 gr. de levedo
• 120 ml. Auga

Nun bol introducimos todos os ingredientes e amasamos, una vez conseguida a nosa masa introducímola nun recipiente con auga quente. Deixámola o tempo necesario ata que dobre o seu volume.

Ingredientes para a masa:

•  400 gr. fariña de forza
•  400 gr. fariña frouxa
• 120 gr. de azucre
• 15 gr. sal
•  100 gr. de manteiga
•  3 ovos
•  150 ml. De auga
• 100 ml. De leite
• Noz moscada
• Aroma de laranxa ou ralladura.

      Facemos un volcán coa fariña e o azucre e no seu interior introducimos o resto de ingredientes e a esponxa feita anteriormente ben escorrida da auga. Amasamos durante un par de minutos ata que conseguimos unha masa homoxénea e deixamos u durante 5 minutos en bloque.

Estiramos a masa ata un 1 cm. De grosor ou superior dependendo o grosor que nos interese conseguir e o tamaño do rosco (donuts), e cortamos con un cortapastas do tamaño escollido e repetimos con outro cortapastas de menor tamaño para o burato do interior, podemos facelo sen burato por si os queremos para reencher dunha crema ( opción máis que recomendable para os máis lambeteiros). Deixamos Fermentar nun lugar cunha temperatura sempre superior a 30º C durante o tempo necesario ata que dobre o seu volume.

Friximos en aceite vexetal a uns 180ºC os nosos roscos, aproximadamente uns 50 segundos por cada lado, retiramos do aceite e poñémolos sobre papel absorbente.

Acto seguido os podemos decorar da maneira que máis nos guste, con chocolate ou da forma orixinal o glaseado.

Para o glaseado:

• 1 Clara de ovo
• 200 gr. azucre glass 
•  Unas gotas de limón

Nun recipiente  mesturamos a clara de ovo, as gotas de limón e vamos engadindo o azucre ata que quede  homoxéneo e sen grumo, ten que quedar un pouco liquida pero con algo de consistencia para que os nosos roscos queden ben glaseados. Podemos votarlle distintos tipos de colorantes para darlle unha cor máis chamativa para os peques da casa. Pasámolos polas dúas caras e poñémolos sobre unha reixa para que escorra o excedente de glasa.

Gozade da receita e seguro que sorprendedes con un almorzo que a todos nos gusta pero coa diferenza que son totalmente sans e feitos con ingredientes naturais que todos temos na casa, xa que os comprados están bos pero deus sabe o que lle votan.