Pemento Recheo de Polo con Noces o Curry Gratinado con Queixo de Arzúa

      A cociña non deixa de ser un xogo, tratase de xogar cos ingredientes que temos na nosa man para conseguir facer un prato distinto e co noso selo particular. Iso mesmo fixen eu para conseguir este prato, que sen dubidas ten matices que vos encantarán.

Ingredientes para 4 persoas:

• ·        4 pementos morróns
• ·        800 gr. peitugas de polo
• ·        1 cebola
• ·        3 dentes de allo
• ·        80 gr. noces peladas
• ·        2 cenorias
• ·        1 tomate maduro
• ·        50 ml. Viño branco
• ·        50 ml. Aceite oliva
• ·        200 gr. de queixo Arzúa
• ·        Curry
• ·        Pementa branca
• ·        Sal

Comezamos baleirando os pementos das pebidas, abrímolos pola parte superior, por onde esta o cano, e lavamos ben. É importante que os pementos sexan chatos, sen punta para que se nos aguanten de pé, unha vez recheos.

Por outro lado nunha tarteira poñemos o aceite de oliva e refogamos o allo, a cebola e as cenorias cortadas en anacos pequenos. O seguinte paso será engadirlle o polo picado en dados e salpimentado e salteamos.

    Por último, incorporamos o tomate cortado tipo concase, engadimos o curry ó gusto, as noces e mollamos co viño deixando cocer durante uns 20 minutos a lume moderado para que os sabores se mesturen entre eles.

     Reenchémolos pementos, cubrimos con uns anacos de queixo de Arzúa e metemos no forno a 190ºC durante uns 15 minutos aproximadamente.

                                                                                    Diego Cordeiro. 

                                                

ORELLAS RECHEAS DE MARMELO

Aproveitando que estamos no Entroido non quero pasar por alto facer unas orellas, pero con un pequeno matiz na elaboración, para variar un doce moi típico da nosa terra.

INGREDIENTES:

     ·        500 gr. fariña

     ·       3 ovos

     ·       25 gr. azucre

     ·       50 ml. Leite

     ·       50 gr. manteiga

     ·       10 gr. Royal

     ·       8 gr. sal

     ·       Raiado dun limón

     ·       Anís

     ·       200 gr. marmelo

Nun bol poñemos a leite, a sal e os ovos e mesturamos. Engadimos o azucre, a manteiga derretida, o raiado dun limón, un chorriño de anís e imos engadindo a fariña pouco a pouco. Amasamos enerxicamente e reservamos durante uns 15 minutos.

Collemos anacos de masa e estiramos coa axuda dun rodete. Botamos aceite sobre o mesado para axudar a estirala masa, non recomendo facelo con fariña xa que o freilas vamos a estragar moito máis rápido o aceite.

Unha vez estirada a masa o máximo posible, poñemos no interior un anaco de marmelo e envolvemos selando ben para que non se abra ó fritilas.

Fritimos en abundante aceite de xirasol ben quente e douramos polos dous lados. Retiramos a un prato con papel absorbente.

      Polvoriñamos con azucre e canela e a gozar deste bocado doce.

                                                                              

                                                                                    DIEGO CORDEIRO.

FILLOAS Á CAÑA TOSTADA RECHEAS DE NATA E FROITAS

                 Xa estamos no Entroido, unas datas do ano marcadas pola festa e os disfraces, pero sobretodo polos seus doces típicos: Orellas, flores, torradas, roscas de anís, bandullos … pero o máis popular sen dubida as filloas, ou polo menos o meu preferido.

            Coma sempre intento darlle o meu toque, ou mellor dito, o toque da nosa terra, optei por engadirlle caña tostada á masa. Un licor moi tradicional na nosa terra e que nunca falta nunha sobremesa despois dun bo cocido.

            Esta vez optei por facer o recheo dun xeito que o resultado fora delicado pero con sabor, nata con fresas e nata con mango. Dúas variantes, dous matices marcadas no noso padar.

INGREDIENTES:

• ·        ½ litro de leite
• ·        200 gr. fariña
• ·        100 gr. azucre
• ·        100 gr. manteiga
• ·        4 ovos
• ·        30 ml. caña tostada
• ·        Sal

Nun bol mesturamos a fariña co azucre, removemos ata desfacer os grumos da fariña. Engadimos os ovos e volvemos remexer. Nun recipiente aparte fundimos a manteiga e incorporamos xunto coa caña a masa anterior. Por ultimo, engadimos o leite e o sal e mesturamos ata que non quede ningún grumo, en caso contrario pasamos por un chino.

Poñemos unha tixola ó lume e coa axuda dunha xerra engadimos unha pequena cantidade do liquido das filloas ata cubrir a superficie da tixola, canto máis fina quede máis ricas e máis cantidade nos sairán. Para darlle a volta axudámonos dunha culler de madeira e dos dedos. E así ata rematar toda  masa. Entre cada filloa imos engadindo  para evitar que se peguen entre elas.

Ingredientes para o recheo:

• ·        ½ litro de nata
• ·        75 gr. azucre
• ·        100 gr. fresas
• ·        100 gr. mango

O recheo é o máis sinxelo de todo so temos que montar a nata xunto co azucre e repartimos en dous recipientes. A un engadímoslle as fresas cortadas en pequenos anaquiños e ó outro o mango da mesma maneira.

So temos que reencher con unha pequena cantidade cada unha enrolalas e a gozar dun bocado do Entroido.

                     

                                                                  DIEGO CORDEIRO.

BISCOITO DE FRAMBOESA E MAZÁ ÁCIDA

A quen non lle gustan os muffins e as framboesas? Pois un día púxenme mans a obra a facer uns muffins de framboesa e mazá para engadir o meu receitario, xa que, de momento non engadín ningunha versión deste doce. Resultou que non tiña casullas de muffins, e decidinme por facer un tipo de biscoito botando toda a mestura nun molde, e o resultado foi máis que bo.

Ingredientes:

• ·       4 ovos
• ·       400 gr. azucre
• ·       500 gr. fariña
• ·       200 gr. manteiga
• ·       240 gr. leite
• ·       200 gr. framboesa
• ·       ½ mazá Granny Smith
• ·       2 culleradas de levedo Royal
• ·       Aroma de vainilla

Nun bol batemos a manteiga co azucre ata conseguir que se branquee e quede completamente integrados.

O seguinte paso é ir engadindo os ovos un a un, batendo cada vez que engadimos un, para que o biscoito quede máis esponxoso.

Por último, incorporamos o leite e o aroma de vainilla e mesturámolo con coidado, repetimos a mesma operación coa fariña e o levedo.

Botamos a mestura sobre un recipiente de forno previamente cuberto con manteiga e fariña para que sexa máis sinxelo desmoldalo. Sobre a superficie engadimos as framboesas e a mazá pelada e picada en dados moi pequenos.

Introducimos ó forno, previamente quente a 180ºC durante 30 minutos, e posible que dependendo do forno sexa necesario darlle 10 minutos máis de cocción.

Espero que vos guste este biscoito cheo de sabor e con toques doces e ácidos, avísovos que cada bocado que conteña una framboesa e coma una explosión na boca. Sen dúbida o resultado é impresionante.

                                                                             DIEGO CORDEIRO.

SALTEADO DE PORCO CON AMENDOAS EN SALSA DE SOIA

      Coma sempre, sigo buscando as influencias de oriente para preparar receitas sinxelas nas que se resalten máis os sabores. Nesta receita optei por un salteado de raxo de porco con verduras frescas e améndoas, que lle aportan un toque fresco e crocante.

Ingredientes para 4 persoas:

• ·       1 kg de porco (raxo)
• ·       1 cebola
• ·       1 pemento
• ·       150 gr. champiñóns
• ·       100 gr. améndoas
• ·       3 dentes de allo
• ·       50 cl. salsa de soia
• ·       50 cl. aceite de oliva
• ·       Azucre moreno
• ·       200 gr. de fideos chinos
• ·       Pementa
• ·       Xenxibre

      O primeiro paso é cortalo raxo de porco en dados máis ou menos iguais e engadimos pementa, un belisco de xenxibre en po e azucre moreno. O xenxibre e o azucre moreno daranlle un toque fresco e daranlle un lixeiro caramelizado cando o salteemos. Partimos as verduras tamén en dados máis ben grandes.

    

    Nun wok con aceite de oliva ben quente botamos o porco doramos lixeiramente e engadimos as verduras. Removemos enerxicamente para que se cociñen por igual.

     Por ultimo engadimos as améndoas enteiras ou picadas como máis vos gusten, eu optei por améndoas en anacos. Terminamos coa salsa de soia, baixamos o lume e deixamos cocer durante uns 5 minutos.

     Empratamos e acompañamos con uns fideos chinos, que poderiamos saltear, previamente cocidos, coa carne.

                                                                            DIEGO CORDEIRO.

                                            

CUPCAKES DE MELOCOTÓNS

O día que descubrín o mundo dos cupcakes dinme conta das grandes posibilidades e opcións que dan para desenrolar calquera idea que se me ocorra, dende doces a salgados. Pronto farei algunha creación salgada adaptada a cociña da nosa terra. Resulta que, a miña froita preferida son os melocotóns, e pensei introducila nun cupcake, e este é o resultado.

Ingredientes para a base:

·        120 gr. manteiga

·        180 gr. azucre

·        3 ovos

·        230 gr. fariña

·        2 culleriñas de royal

·        120 ml. Leite

·        1 culleriña de esencia de vainilla

·        4 metades de melocotón en xarope (ou se están de tempada 2 pezas)

Poñemos a manteiga e o azucre nun recipiente e batemos a velocidade alta ata que a mestura se poña branca. Imos engadindo os ovos un a un batendo a velocidade baixa e engadimos a metade da fariña co levedo, ata que sexa homoxéneo.

       Despois de engadimos o leite e  rematamos co resto da fariña.

Por último, cortamos o melocotón en xarope en anaquiños pequenos e mesturamos con moito coidado.
       Prequentamos o forno a 180 graos e preparamos as casullas para botar a masa.
       Enchemos ata a metade as cápsulas e introducimos a bandexa no forno  durante uns 20 ou 25 minutos.

Ingredientes para o recheo:

·        300 gr.  melocotóns

·        100 gr.  azucre

Cortamos o melocotón en anacos pequenos e poñemos nun cazo xunto co azucre e poñemos o lume ata que o melocotón este brandiño.

Coa a axuda dun descorazoador ou, se non tedes, coa axuda dun coitelo, facemos un buraco no centro do cupcake que vamos a encher coa confitura de melocotón.

Ingredientes para a crema:

·        200 gr. queixo philadelfia

·        50 ml. Nata

·        50 gr. azucre

·        Aroma de flor de azahar

           

          Para a parte superior do biscoito imos preparar unha crema moi suave e deliciosa de queixo. Poñemos os ingredientes nun recipiente e batemos ata conseguir que teña consistencia.

            Coa axuda dunha manga pasteleira, decoramos as casullas cunha roseta da crema de queixo. Na parte superior decoramos con un anaco de melocotón, que será a guinda para un cupcake realmente delicioso.

                                                                                  DIEGO CORDEIRO.

BACALLAU CONFITADO CON LARANXA SOBRE CEBOLA E CHERRYS

                O peixe que se leva a coroa en Galicia é sen lugar a dubidas o bacallau. E aproveitando que estamos en tempada de laranxas decidín introducilas no prato de hoxe dunha maneira que seguro que vos gustará.

Ingredientes para 4 persoas:

• ·        4 lombos de Bacallau desalgado
• ·        2 Laranxa
• ·        1 cebola
• ·        2 dentes de allo
• ·        150 gr. tomate cherry
• ·        200 ml. Aceite oliva
• ·        2 follas de citronela
• ·        200 gr. de arroz basmati
• ·       SAL
  
  

Collemos os catro lombos de bacallau e os introducimos nunha bolsa de vacio xunto co aceite 1 dente de allo, a pel de laranxa, as follas de citronela e un dente de allo e confitamos o baño maría durante 5 minutos a 65ºC. En caso de non ter maneira de poder envasar o vacio, facemolo directamente nun cazo co aceite e os mesmos ingredientes antes mencionados a una temperatura nunca superior a 70ºC.

Nunha tixola poñemos un pouco de aceite, a cebola picada en xuliana, o allo e una vez pochada engadimos uns cherrys e o zume de laranxa das laranxas que pelamos anteriormente e deixamos cociñar durante uns dez minutos a lume moderado.

Empratamos poñendo de cama a salsa e sobre ela o lombo de bacallau e acompañamos con uns gallos de laranxa lixeiramente caramelizados e arroz basmati que será unha guarnición que compaxinara moi ben co prato.

                                                                                          DIEGO CORDEIRO.