Pastel Fluido E Quente De Chocolate

A quen non lle apaixoa o chocolate? Esta semana tráiovos un doce moi goloso que seguro que algunha vez probachedes, como é o couland de chocolate. O Couland e un biscoito que se caracteriza por ter no interior un centro semilíquido. Invítovos a probar e facelos na casa, o resultado e moi satifactorio.

Ingredientes para a pastilla de chocolate do interior:

           ·        120 gr. chocolate

           ·        200 gr. nata

           ·        50 gr. manteiga

           ·        60 ml. auga

           ·        15 gr. café descafeinado

A pastilla e o que leva no interior do biscoito e a parte que o forneala queda liquida no interior.

Comezamos fundindo o chocolate nun bol e imos engadindo os ingredientes pouco a pouco e removendo ata que quede una mestura homoxénea. Votamos a mestura en moldes de silicona do tamaño dun chupito e introducimos no conxelador ata que se solidifique.

Ingredientes para a mouse:

           ·        220 gr. chocolate

           ·        100 gr. manteiga

           ·        80 gr. fariña de améndoas

           ·        4 xemas de ovo

           ·        4 claras de ovo

           ·        180 gr. azucre

Fundimos o baño maría o chocolate  unha vez fundida retiramos do calor e vamos engadindo pouco a pouco a manteiga en anacos pequenos, a fariña de améndoas e as xemas ovo. Aparte nun recipiente montamos as claras de ovo e engadímoslle o azucre e mesturamos con moito coidado coa masa anterior.

Escudillamos sobre moldes engraxados ata a metade e introducimos no interior a pastilla conxelada e terminamos por cubrir o molde. Deixamos no conxelador mínimo durante 6 horas.

Introducimos no forno a 180ºC sen descoxelar directamente quitados do frío durante 20 minutos. Recomendase tomar morna tirando a quente, pódese acompañar dunha bola de xeado ou como fixen eu dunha confeito natural para xogar con distintas temperaturas e matices.

                                                                                             Diego Cordeiro.

Wok "Rias baixas"

Nesta ocasión volvo a unir a nosa terra, Galicia con o alonxado país da China con dúas culturas culinarias que, como xa sabedes,  apaixóname moito. Unión que, neste caso, quedou espectacular e moi potente nos sabores, debido ós ingredientes empregados.

Ingredientes para 4 persoas:

         ·        400 gr. Noodles

         ·        100 gr. Rape

         ·        12 und. Lagostinos

         ·        100 gr. berberechos

         ·        8 navallas

         ·        100 gr. mexillóns

         ·        8 und. Pinzas de boi

         ·        1 cebola

         ·        1 dente de allo

         ·        100 gr. champiñóns

         ·        1 pemento vermello

         ·        50 ml. zume de piña

         ·        50 ml. salsa de tomate

         ·        20 ml. vinagre

         ·        20 ml. salsa de soia

         ·        50 ml . fumet de peixe

         ·        50 ml. aceite de oliva

         ·        150 gr. fariña

         ·        Xenxibre

         ·        Sal e pementa branca

Poñemos unha tarteira con auga e sal para cocer os noodles, que son uns tallaríns típicos chineses, e cando ferva cocémolos. Unha vez cocidos  arrefriamos e reservamos.

Aparte vamos a facer unha salsa mariñeira pero coa variante que a vamos a facela agridoce. Comezamos poñendo nun cazo un chorriño de aceite de oliva no cal poñemos a dourar un dente de allo, media cebola e medio pemento vermello todo ben picadiño. Unha vez pochadas as verduras ligamos coa fariña e mollamos de seguido co vinagre deixando reducir. Terminamos co zume de piña que lle aportara o toque doce a nosa salsa mariñeira agridoce, con un chorriño de salsa de tomate e fumet de peixe. Deixamos cocer durante uns 5 minutos para que os sabores se integren entre si e quede ben ligada.

Comezamos a cocer todos os mariscos menos os lagostinos e retiramos de cunchas e reservamos para logo saltear.

Para rematar poñemos nun wok aceite de oliva e quentamos ben, comezamos engadindo as verduras cortadas en xuliana. Continuamos engadindo o rape cortado en dados e os lagostinos pelados e removemos enerxicamente para que todos os ingredientes se fagan por igual. Seguimos engadindo ingredientes neste caso os mariscos cocidos e de seguido xa engadimos un chorriño de salsa de soia, a salsa mariñeira agridoce e os noodles que tiñamos reservamos. Deixamos cocer durante 2 minutos aproximadamente e a gozar dun prato que une dous países.

                                                                                                Diego Cordeiro.

Ravilolis Recheos de Doce de Cabaza Sobre Crema Espumosa de Bévera

Esta semana optei por facer unha sobremesa un pouco distinta con uns sabores intensos como a bévera e un ingrediente pouco explotado na nosa gastronomía como é a cabaza e sempre utilizada para alimentar o ganado. Espero que vos guste a combinación e que non deixará a ninguén indiferente.

Ingredientes para 4 persoas:

          ·        1 Prancha de masa de Follado (Hojaldre)

          ·        8 bévera

          ·        1 cabaza

          ·        200 gr. azucre

          ·        100 dl. leite

          ·        50 gr. arándonos e grosellas

          ·        1 ovo

          ·        1 folla de xelatina

          ·        10 gr. lecitina de soia

Pelamos e limpamos a cabaza da pel e carabuñas, cortámola e poñemos a cocer nunha tarteira con auga. Unha vez cocida escorremos ben e poñemos nun cazo xunto co azucre e unha chisca de auga e facemos  confeito. Pasamos por un pasapurés e arrefríamos.

Aparte vamos preparando para enchelos ravioli e comezamos cortando a masa de follado con a axuda dun cortapastas do tamaño que desexado por cada un e no centro colocamos un pouco de confeito da cabaza. Untamos os bordes con ovo batido e cerramos con outro anaco de masa de follado e reservamos.

Aparte pelamos e limpamos ben as béveras e as pasamos pola turmix xunto co leite e a metade do azucre a cola de xelatina, previamente hidratada. Deixamos repousar en frío para que a xelatina actúe sobre a mestura e engadimos a lecitina de soia coa axuda da túrmix montamos formando aire para que a crema quede con unha textura espumosa.

Terminamos fritindo os ravioli en aceite de xirasol, que aporta menos sabor a que o de oliva, e pasamos por azucre. Presentamos poñendo a crema de béveras no fondo dun prato fondo e colocando enriba os ravioli de cabaza.

                                                                                               Diego Cordeiro.

Sorbete de Albariño Sobre Sopa Tibia de Mirabeles

      Hoxe quixen facer un postre de verán pero con un guiño ó emblema da terra que me acolle. O albariño é unha froita de tempada un pouco descoñecida como son os mirabeles. Esta receita está impresa no libro “365 días, 365 recetas” para o cal aportei varias receitas con produtos típicos da nosa terra.

Ingredientes para o sorbete:

         ·        500 ml. de viño Albariño D.O. Rias Baixas

         ·        50 gr. azucre

         ·        25 gr. glucosa

         ·        25 gr. estabilizante para sorbetes

         ·        Reladura de lima

     Quentamos o viño a lume moderado coa glucosa e removemos para que se disolva a glucosa. Engadimos o estabilizante para sorbetes co azucre e a reladura de lima, que lle vai a aportar un toque de frescor. A función do estabilizante para sorbetes é que o sorbete unha vez conxelado non se cristalice e non se separen os ingredientes, xa que, sempre tende a ir para o fondo do recipiente os azucres.

    Retiramos do lume xusto antes de que comece a ferver. Deixamos macerar oito horas no frío e pasamos pola xeadora.

Ingredientes para a sopa de mirabeles:

·        300 gr. de mirabeles

·        75 gr. azucre

·        75 gr. auga

·        2 follas de menta

     Comezamos limpando os mirabeles da carabuña e poñemos nun cazo co resto de ingredientes. Poñemos a lume baixo durante 45 minutos ata que quede unha confitura con consistencia. Pasamos pola túrmix e colamos para retirar os restos e impurezas e quede unha sopa suave de textura.

   Dispoñemos a base da sopa tibia de mirabeles nun prato fondo e enriba dúas culleradas de sorbete de albariño.

     Este é un doce con dúas texturas moi marcadas e diferenciadas, que seguro que vos sorprenderán.

                                                                                         Diego Cordeiro.

Merluza Encostrada en Pipas Sobre Sopa de Espárragos Verdes e Longueiróns do Hio

     Sempre busco darlle un toque diferente ós meus pratos, nesta ocasión optei por empregar pipas para cubrir un lombo de merluza e darlle un toque crocante a un prato, que dende logo sorprende.

     Esta receita foi incluída no libro de receitas “365 días, 365 recetas” no que colaborei con varias receitas.

Ingredientes para 4 persoas:

        ·        800 gr. Merluza/pescada limpa

        ·        50 gr. pipas peladas

        ·        12 longueiróns do Hio

        ·        ½ dente de allo

        ·        3 dl. aceite de oliva

        ·        12 esparragos trigueiros

        ·        1 ceboliña

        ·        Sal e pementa branca

     Cortamos os lombos de merluza, sazonamos lixeiramente e pasamos polas pipas. De seguido dámoslle un golpe de fritura para que as pipas se queden adheridas por completo a merluza, so é marcalo xa que o remataremos logo no forno.

    A parte limpamos os esparragos verdes e separamos as puntas que coceremos para logo decorar o prato. Cos tallos faremos a sopa xunto cun dente de allo e unha ceboliña picadas, que poñemos a dourar nun cazo con un chorriño de aceite de oliva.

       Unha vez dourados lixeiramente cubrimos con auga, rectificamos de sal e deixamos cocer. Unha vez cocidos os tallos pasamos pola túrmix e reservamos.

    Para rematar introducimos a merluza no forno a 185ºC durante 7 minutos e empratamos poñendo a sopa de esparragos trigueiros no fondo, colocamos enriba a merluza e acompañamos coas puntas de esparragos e os longueiróns pasados pola prancha.

                                                                                    Diego Cordeiro.

                                        

Cupcakes de Cookies & Fresas

Dí a xente que os probou que é a mellor receita de cupcakes que fixen ata a data. Que se compaxinaban moi ben os sabores e que o resultado foi delicioso. A verdade é que cando me decidín por facer o frosting de fresas non pensaba que fora a ser así. Espero que vos animedes a facelos, non vos defraudará o resultado.

Ingredientes para os 12 biscoitos de cookies:

        ·        100 gr. manteiga a temperatura ambiente.

        ·        150 gr. de azucre.

        ·        3 ovos

        ·        150 gr. de fariña

        ·        1 culleriña de levedo royal.

        ·        90 ml. de leite.

        ·        Aroma de vainilla

        ·        Un puñado de chips de chocolate.

Poñemos a manteiga e o azucre nun recipiente e batemos a velocidade alta, ata que a mestura se poña branca. Imos engadindo os ovos de un en un a velocidade baixa e engadimos a metade da fariña co levedo ata que sexa homoxéneo.

Despois de engadimos o leite e  rematamos co resto da fariña e chips de chocolate.
            Prequentamos o forno a 180 graos e preparamos as casullas para botar a masa.
            Enchemos ata a metade as casullas e introducimos a bandexa no forno 20 minutos.

Ingredientes para o frosting de fresas:

        ·        150 gr. manteiga

        ·        150 gr. queixo philadelphia

        ·        200 gr. icing sugar ( ou azucre glass)

        ·        100 gr. Sirope de fresas

Nun recipiente batemos a conciencia a manteiga a temperatura ambiente xunto co icing sugar (eu utilicei azucre glass), ata que quede una textura moi cremosa e totalmente branca. Chegados a ese punto engadimos o queixo philadelphia e seguimos batendo ata conseguir unha crema con consistencia e moi suave. Terminamos incorporando o sirope de fresas, o cal podemos facelo nos na casa ou compralo o resultado será similar, e terminamos batendo ata que queden unha crema de cor rosa e moi brillante.

O seguinte será proceder o montaxe dos cupcakes, comezamos facendo un burato no interior do biscoito pero moito máis pequeño do habitual o cal o enchemos de sirope de fresas para que empape lixeiramente o biscoito dende o interior. Coa axuda dunha manga pasteleira facemos unha roseta na parte superior co frosting de fresas, rematamos con un pouco de sirope e coroamos o cupcake con media fresa.

Como podedes ver nas fotos quedaron fermosos e polo que din inda mellor de sabor.
                                                                                                                  Diego Cordeiro.

Cupcakes de Mazá e Mel

Sego a  ampliar o meu receitario de cupcakes, nesta ocasión fixen os biscoitos de mazá reineta, xa que considero que aporta un sabor único e aguanta máis a cocción para calquera receita sexa salgada ou doce. Tamén os reenchín dunha compota da mesma mazá e o frosting  fíxeno con un toque de mel de Viñó, que me deu miña madriña de colleita propia, que ten un sabor incrible. Disque o resultado foi brutal, leveillos como premio do sorteo para María e felicitoume.

Ingredientes para 12 biscoitos:

        ·        150 gr. Manteiga

        ·        120 gr. azucre  moreno

        ·        2 ovos

        ·        200 gr. fariña

        ·        50 ml. Nata

        ·        50 ml. Zume de mazá

        ·        1 culleriña de levedo Royal

        ·        1 mazá reineta

Poñemos a manteiga, previamente apartada do frío para que este branda, nun recipiente xunto co azucre moreno e batemos ata que quede completamente integrados entre si. Engadimos un ovo batemos, incorporamos o outro e seguimos batendo ata que se incorpore e terminamos cos líquidos a nata e máis o zume de mazá e repetimos o mesmo proceso.

Para rematar incorporamos a fariña e o levedo previamente peneiradas a mestura anterior e remexemos con coidado ata que non queden grumos. E xusto antes de introducir nas casullas a mestura engadímoslle a mazá reineta pelada e cortada en anacos pequenos.

Repartimos a mestura en 12 casullas nunha bandexa de forno de cupacakes e introducimos durante 20 minutos a 180 ºC.

Ingredientes para o recheo:

       ·        2 mazás reineta

       ·        100 gr. azucre

       ·        25 gr. manteiga

       ·        ½ culleriña de canela moída

Pelamos as mazás e as cortamos en cadradiños pequenos as poñemos nun cazo o lume xunto coa manteiga e salteamos lixeiramente. De seguido botámoslle o azucre e a canela moída remexemos e deixamos cocer un 25 minutos a lume moderado ata que quede a mazá brandiña.

Ingredientes para o frosting de queixo e mel:

       ·        150 gr. manteiga

       ·        150 gr. queixo philadelphia

       ·        200 gr. icing sugar ( ou azucre glass)

       ·        150 gr. Mel

Nun recipiente batemos a conciencia a manteiga a temperatura ambiente xunto co icing sugar, eu utilicei azucre glass, ata que quede una textura moi cremosa e totalmente branca. Chegados a ese punto engadimos o queixo philadelphia e a mel e seguimos batendo ata conseguir unha crema con consistencia e moi suave.

Agora so queda proceder o montaxe dos cupcakes, comezamos baleirando o centro dos biscoitos coa axuda dun coitelo ou dun descoranozador de mazás. Ese oco é o que vamos a encher coa compota de mazá. E na parte superior cubrimos cunha roseta do frosting de queixo e mel, eu remateinos cun azucre de mazá de cor verde que lle dá un toque de cor.

Espero que vos guste a combinación de sabores que escollín para esta ocasión.

                                                                                     Diego Cordeiro.